ဒီဇာတ်ကားကတော့ 2012 ခုနှစ်မှာဖြစ်ပွားခဲ့တဲ့ ကိုစတာကိုကွန်ဒီယာ အပျော်စီးသင်္ဘောနှစ်မြှုပ်မှုအကြောင်းကို Netflix ကနေ ပြန်လည်မှတ်တမ်းတင်ရိုက်ကူးထားတဲ့ documentary ဇာတ်ကားတစ်ကားဖြစ်ပါတယ်။ ဒီ ကိုစတာ အပျော်စီးသင်္ဘောအဖြစ်ဆိုးမှာ ရှင်ကျန်ခဲ့တဲ့ စီမွန်းမိသားစုကနေပြီး ဖြစ်ပျက်ခဲ့တဲ့အဖြစ်အပျက်တွေကို ပြန်လည်သရုပ်ဖော်ပြီး ရိုက်ကူးထားတာဖြစ်ပါတယ်။ ၂၀၁၂ ခုနှစ်ဆိုတဲ့အချိန်ဟာ နည်းပညာအကူးအပြောင်းတွေကြောင့် တိုးတက်ပြောင်းလဲမှုတွေရှိလာခဲ့ပေမယ့်လည်း ပြောင်းလဲမှုအရှိန်အဟုန်တွေကြောင့် မတည်ငြိမ်သေးတဲ့ အခါမှာ ဒီလိုမတော်တဆမှုတွေ ဖြစ်ခဲပေမယ့်လည်း လက်တွေ့ဖြစ်လာတဲ့အခါမှာ အတော်အကျည်းတန်ပြီး စိတ်မနှစ်မြို့ဖွယ်ရာကောင်းပါတယ်။ ဒီမှတ်တမ်းတင်ဇာတ်ကားထဲမှာတော့ စီမွန်းမိသားစုဝင်တွေအပြင် ရှင်ကျန်ခဲ့တဲ့ ခရီးသည်တချို့နဲ့ သင်္ဘောအမှုဆောင်တချို့တို့က ပြန်လည်သက်သေပြုပြီး ပါဝင်တင်ဆက်လာတာကိုတွေ့ရမှာပဲဖြစ်ပါတယ်။