Potopa (2025) ဒီဇာတ်လမ်းလေးကတော့ historical drama နဲ့ coming-of-age အမျိုးအစားဖြစ်ပြီးတော့ အရင်ခေတ်က လက်တွေ့ဘဝတွေကို ပေါ်လွင်အောင် ရိုက်ကူးထားပါတယ်။ Mara က ရွာငယ်လေးတစ်ရွာမှာ နေတဲ့ ၁၅နှစ်အရွယ် ကလေးမလေးတစ်ယောက်ပဲ ဖြစ်ပါတယ်။ သူ့ရဲ့အိပ်မက်ကတော့ လေယာဉ်မှူးတစ်ယောက် ဖြစ်ချင်တာပါ။ ဒါပေမယ့် အဖေဖြစ်သူ Alexander ကတော့ Mara ရဲ့ အိပ်မက်ကို လက်မခံဘဲ အိမ်မှာပဲနေပြီး မိသားစု လယ်အလုပ်ကို ဆက်လုပ်စေချင်နေတယ်။ တစ်ချိန်တည်းမှာပဲ အစိုးရက သူတို့ရွာနားမှာ ဆည်ကြီးတစ်ခု တည်ဆောက်ဖို့စီစဉ်နေပြီးတော့ အဲဒီ့ဆည်ကြောင့် ရွာဆီကို ရေတွေကြီးပြီး တစ်ရွာလုံး ပျက်စီးသွားနိုင်ပါတယ်။ ဒါကြောင့် ရွာကလူတွေအကုန်လုံးက အထုပ်ပြင်ပြီး နေအိမ်ကနေ ထာဝရပြောင်းရွှေ့ပေးရမှာပါ။ အဲဒီအတွက်လည်း ရွာကလူတွေနဲ့ အစိုးရကြား အငြင်းပွားမှုတွေ ဖြစ်နေတဲ့အချိန်ဖြစ်ပါတယ်။ ဒီဇာတ်လမ်းလေးထဲမှာ မိသားစုရဲ့ရိုးရာနဲ့ ကိုယ်ပိုင်လွတ်လပ်မှုကြားက တိုက်ပွဲကို ရင်ထဲထိနားလည်နိုင်အောင် ခံစားချက်အပြည့်ပေးသွားမှာပဲဖြစ်ပါတယ်။ လူငယ်တစ်ယောက်ရဲ့ အနာဂတ်အတွက် သူမျှော်မှန်းထားတဲ့ အိပ်မက်က အရင်မျိုးဆက်က လူကြီးတွေရဲ့ သူတို့ရဲ့ ရိုးရာအမွေအနှစ်အပေါ် ကာကွယ်ချင်တဲ့ ဆန္ဒနဲ့ ထိပ်တိုက်တွေ့လာတဲ့အခါ ဘာတွေဖြစ်လာမလဲဆိုတာကို လက်တွေ့ဆန်ဆန် ကြည့်ရှုရမယ့် ဇာတ်လမ်းကောင်းတစ်ပုဒ်ပဲဖြစ်ပါတယ်။