သန်ဒါမန်း စူပါဟီးရိုးမိသားစုကြီးရဲ့ အငယ်ဆုံးသမီးဖြစ်တဲ့ Chloe က အန္တရာယ်အရမ်းများပြီး ကြီးမားတဲ့ ဒုတိယစွမ်းအင်အသစ်တစ်ခုကို ရသွားတဲ့ အချိန်မှာပဲ မိသားစုကြီးက မတူညီတဲ့ ခံယူချက်တွေနဲ့ နှစ်ဖွဲ့ကွဲသွားပါတော့တယ်။ ဟီးရိုးသမ္မတကြီးက Chloe ကို သူ့ရဲ့စွမ်းအားကို ထိန်းချုပ်နည်း သင်ယူနိုင်ဖို့အတွက် စူပါဟီးရိုးကျောင်းမှာ လေးနှစ်လောက် အိမ်နဲ့ခွဲပြီး ကျောင်းသွားတက်ဖို့ အမိန့်ပေးခဲ့တာပါ။ ဒါပေမဲ့ အမေဖြစ်သူ Barb ရယ် Phoebe နဲ့ Billy ကတော့ သူတို့ရဲ့ အငယ်ဆုံးလေးကိုအဝေးကိုလွှတ်ဖို့ ငြင်းဆန်ပြီး အဖေဖြစ်သူ Hank ရယ် Nora နဲ့ Max ကတော့ Chloe ကို ကျောင်းပို့တာက သူမအတွက် အလုံခြုံဆုံးဖြစ်မယ်လို့ ယုံကြည်ကြပါတယ်။ ဒီလိုနဲ့ သန်ဒါမန်း ဟီးရိုးမိသားစု နှစ်ဖွဲ့ကွဲသွားပြီး Barb တို့က Chloe ကို ခေါ်ကာ ထွက်ပြေးပုန်းအောင်းသွားကြချိန်မှာတော့ Hank တို့အဖွဲ့က သူတို့နောက် လိုက်ခြေရာခံရင်း မိသားစုအဖွဲ့နှစ်ဖွဲ့က Chloe ရဲ့ အနာဂတ်အတွက် ဘယ်လိုရန်ပွဲတွေနဲ့ အချင်းချင်းတိုက်ခိုက်ရမလဲ စည်းလုံးမှုဆိုတာတွေက အရေးကြီးသေးလားဆိုတာကို ဒီ စူပါဟီးရိုး family ဟာသဇာတ်လမ်းလေးထဲမှာ ဆက်လက် ကြည့်ရှုလိုက်ပါဦးနော်။