Imagine Dragons: Live in Vegas ဟာ ၂၀၂၃ ခုနှစ်က ထွက်ရှိခဲ့တဲ့ အမေရိကန် Pop-Rock တီးဝိုင်း Imagine Dragons ရဲ့ Concept Film တစ်ခုဖြစ်ပါတယ်။ သူတို့ရဲ့ Mercury World Tour အစီအစဉ်မှာပါခဲ့တဲ့ Las Vegas မြို့ Allegiant Stadium မှာ ဖျော်ဖြေခဲ့တဲ့ ပွဲကို အမှတ်တရရုပ်ရှင်အဖြစ် ဖန်တီးထားတာဖြစ်ပါတယ်။ Imagine Dragons ကို ကျွန်တော်စသိခဲ့တာ PES 2013 မှာပါခဲ့တဲ့ “On Top of The World” သီချင်းနဲ့ဖြစ်ပါတယ်။ ပြီးတော့ PES 2015 မှာပါခဲ့တဲ့ “Demons သီချင်း။ ပြီးတော့ 2012 , 2013 ခုနှစ်တုန်းက Channel V မှာ ခဏခဏလွှင့်ခဲ့တဲ့ “Radiotive” သီချင်း။ 2017 ခုနှစ်တုန်းက MTV Channel ကနေ Imagine Dragons ရဲ့ Album အသစ်ဖြစ်တဲ့ Evolve ထဲက “Thunder”၊ “Believer”၊ နဲ့ “Whatever it Takes” တို့ကို ခဏခဏပြန်လွှင့်ခဲ့ပါတယ်။ အဲတုန်းကလည်း နားစွဲခဲ့တာပါပဲ။ Imagine Dragons ရဲ့ သီချင်းတိုင်းက Dan Reynolds ရဲ့ Vocal Power နဲ့ တော်တော်လေးကို နားစွဲလွယ်ပါတယ်။ ဒီ Concept Film မှာတော့ သူတို့ရဲ့ အောက်ခြေကနေစခဲ့ရတဲ့ ဘဝတွေကို တစ်စိတ်တပိုင်းဖော်ပြထားမှာဖြစ်ပါတယ်။ သာမန် Indie တီးဝိုင်းတစ်ခုကနေပြီး ကမ္ဘာကျော် တီးဝိုင်းတစ်ခုဖြစ်လာအောင် ကြိုးစားခဲ့ရပုံတွေကိုလည်း မြင်ရမှာဖြစ်လို့ ကြည့်ကိုကြည့်သင့်တဲ့ Concept Film တစ်ခုဖြစ်ပါတယ်ခင်ဗျာ။