ဂျပန်စုံထောက်ကားကြိုက်တဲ့သူတွေအတွက် ဒါရိုက်တာ Oyama Koichiro ရဲ့လက်ရာ ဇာတ်လမ်းကောင်းတစ်ပုဒ်ကို တင်ဆက်ပေးလိုက်ပါတယ်။ Yamoto Yuma နဲ့ Norizuki Sadaoတို့က အဓိကပါဝင်ထားကြပြီး ဒီဇာတ်ကားမှာတော့ ရဲဌာနအတွက် ရှုပ်ထွေးပွေလီနေတဲ့အမှုတစ်ခုကို အပြီးသတ် ဖြေရှင်းနိုင်ဖို့ ရဲအရာရှိနဲ့သားဖြစ်သူ စာရေးဆရာတို့ ဘယ်လိုတွေ ပူးပေါင်းအဖြေရှာကြမလဲဆိုတာ စိတ်ဝင်စားဖွယ် ရှုစားကြရမှာဖြစ်ပါတယ်။ ဇာတ်လမ်းအကျဉ်း ******************* နိုရီဇူကီ ဆာဒါအိုက တိုကျိုမြို့တော် ရဲတပ်ဖွဲ့က အဖွဲ့မှူးဖြစ်ပါတယ်။ သူ့ရဲ့ သားဖြစ်သူ နိုရီဇူကီ ရင်တာရိုကတော့ လျှို့ဝှက်သည်းဖို ဇာတ်လမ်းတွေကို ဖန်တီးရေးသားနေတဲ့ စာရေးဆရာပါ။ ရင်တာရိုဟာ အဖေ့မှာ အမှုကိစ္စတစ်စုံတစ်ရာ ရှိလာရင် သူရဲ့ စူးစမ်းလိုစိတ်နဲ့ စုံထောက်လုပ်ချင်တဲ့ အတွေးအခေါ်တွေကို မသိမသာရော သိသိသာသာပါ အသုံးချရင်း အဖေ့အမှုကို တစ်ဖက်လှည့်နဲ့ ကူညီဖြေရှင်းချင်သူဖြစ်ပါတယ်။ လက်ရှိမှာ အဖွဲ့မှူးဆာဒါအိုဟာ တိုကျိုက မိန်းကလေးတွေ နှောက်ယှက် သတ်ဖြတ်ခံနေရတဲ့အမှုတွေ စုံစမ်းနေရပါတယ်။ တစ်ရက်မှာတော့ နာမည်ကြီးကလပ်တစ်ခုက ဧည့်ကြိုမိန်းကလေးရဲ့ အိမ်ခန်းကို ဖောက်ထွင်းဝင်ရောက်ခဲ့သူကို လိုက်ဖမ်းရင်း တရားခံရဲ့ နောက်ကြောင်းရာဇဝင်ကို စီစစ်မိကြပါတယ်။ အဲဒီကနေ သာမန် ဖောက်ထွင်းခိုးယူမှုမဟုတ်ဘဲ ထူးဆန်းတဲ့အမှုကြီးတစ်ခုဆီ ဘယ်လိုဦးတည်သွားမလဲဆိုတာနဲ့ ရှုပ်ထွေးနေတဲ့အမှုကို ဘယ်လိုတွေ အဖြေရှာသွားကြမလဲဆိုတာ...