နွေရာသီ စခန်းလေးရဲ့ အေးချမ်းတဲ့ အငွေ့အသက်တွေ၊ ရယ်မောဖွယ် အလွဲတွေနဲ့ ငယ်ချစ်ဦး အချစ်ဇာတ်လမ်းကိုရိုက်ပြထားတဲ့ ဇာတ်ကားကောင်းလေးပါ။ ဇာတ်လမ်းကတော့ အလုပ်ခွင်မှာ စိတ်ဓာတ်ကျ မောပန်းနေတဲ့ မန်နေဂျာ အမျိုးသားတစ်ဦး အကြောင်းကနေ စတင်ထားတာပါ။ တစ်နေ့မှာတော့ နေမကောင်းဖြစ်နေတဲ့ အဖေဖြစ်သူရဲ့ နေရာမှာ ခေတ္တ ကိုယ်စားဝင်ပေးဖို့အတွက် သူငယ်စဉ်က ကြီးပြင်းခဲ့ရတဲ့ ကလေး နွေရာသီ စခန်းဆီကို ရက်အနည်းငယ်ကြာ ပြန်လည် ထွက်ခွာခဲ့ပါတော့တယ်။ သူ မျှော်လင့်ထားတာကတော့ မြို့ပြရဲ့ ရုန်းကန်ရမှုတွေကနေ ဝေးရာ အေးချမ်း ဆိတ်ငြိမ်တဲ့ အနားယူမှုပါပဲ။ ဒါပေမဲ့ တကယ်တမ်း စခန်းဆီ ရောက်သွားတဲ့အခါမှာတော့ ယိုယွင်း ပျက်စီးနေတဲ့ စခန်း အဆောက်အအုံတွေ၊ အလွဲလွဲအချော်ချော် စခန်း အဖွဲ့သားတွေနဲ့ ရင်ဆိုင်လိုက်ရပါတော့တယ်။ ဒါတင်မကသေးဘဲ သူ လုံးဝ မထင်မှတ်ထားတဲ့ ငယ်ချစ်ဦးပါ စခန်းဆီ ပြန်လည် ရောက်ရှိလာခဲ့ပြီး သူ့ရဲ့ ပရမ်းပတာ ဘဝကြီးကို ပြောင်းလဲပစ်မယ့် ဒုတိယအကြိမ် အခွင့်အရေးနဲ့ ဘယ်လိုမျိုး ပြန်လည် မွေးဖွားပေးသွားမလဲဆိုတာကိုကြည့်ရမှာ ဖြစ်ပါတယ်။