အမေရိကန် အထက်လွှတ်တော်အမတ် ဒန်နီယယ် လိုင်လီကိုဘရန်ဒီဝိုင်း တောင်ကြားက သူ့ရဲ့စံအိမ်အတွင်းမှာသေဆုံးလျက်တွေ့ရှိခဲ့ကြရပါတယ်။ ရဲတပ်ဖွဲ့က အဲ့ဒီအမှုကို ကိုယ့်ကိုယ်ကိုသတ်သေမှုအဖြစ်ပဲ ပေါ့ပေါ့တန်တန်ကောက်ချက်ချပြီး အလျင်အမြန်ပိတ်သိမ်းခဲ့တဲ့အတွက် သူ့သမီးဖြစ်တဲ့သူ ဂျက်ကီက အဲ့ဒီဆုံးဖြတ်ချက်ကိုလက်မခံနိုင်ပဲ သူ့ကောင်မလေးဖြစ်တဲ့ မှုခင်းဆေးပညာပေါမောက္ခဖြစ်တဲ့ မီလီပတ်ခ်ကို အကူအညီတောင်းခဲ့ပါတယ်။ပုံမှန်ဆိုရင် ဒီစုံစမ်းစစ်ဆေးမှုကို ကွယ်လွန်သူအမတ်ရဲ့မိသားစုဝင်တွေ၊ အနီးကပ်မိတ်ဆွေတွေကအကူအညီပေးရမှာဖြစ်ပေမယ့် သူတို့နှစ်ယောက်ကို အမြဲတမ်း ကာဆီးနှောင့်ယှက်နေချိန်မှာတော့ သံသယဝင်စရာတွေပိုဖြစ်လာပြီး သူတို့မိသားစုအတွင်းက ဖုံးကွယ်ထားတဲ့ မကောင်းသတင်းတွေ၊ လျှို့ဝှက်ချက်တွေ ပြိုင်ဆိုင်မှုတွေနဲ့အမုန်းအငြိုးတွေ ပေါ်ထွန်းလာချိန်မှာတော့..။Death on the Brandywine ဟာ ဆရာမကြီး အာဂါသာခရစ္စတီးရဲ့၀တ္တုတွေကိုပြန်ရိုက်တဲ့ ရုပ်ရှင်ကားတွေလိုပဲ အားလုံးက တရားခံဖြစ်နေနိုင်တဲ့ ဇာတ်လမ်းမျိုးပါ။ အဲ့ဒါကိုမှ စိတ်ဝင်စားစရာလှည့်ကွက် အချိုးအကွေ့တွေနဲ့ဆွဲခေါ်သွားနိုင်တဲ့ Political Thriller ဇာတ်ကားကောင်းတစ်ကားပါပဲ။