၁၉၇၀ပြည့်နှစ်အလွန် မိုင်ဆိုးမြို့ကိုနောက်ခံထားပြီး အင်္ဂလိပ်စာကထိကဆူဘူနဲ့ စာရေးဆရာမလေး ဆာရာလာတို့ရဲ့ အိမ်ထောင်ရေးဘ၀ကို အခြေခံပုံဖော်ထားတဲ့ မိသားစုအချစ်ဇာတ်လမ်းလေးကိုတင်ဆက်ပေးလိုက်ပါတယ်။ ဆာရာလာရဲ့ ကလေးဆန်တဲ့အမူအရာလေးကိုမှ မြင်မြင်ချင်း ချစ်မိသွားပါတယ်ဆိုတဲ့ ဆူဘူ။ ရေစက်ဆုံကြလေတော့ အချစ်ခရီးလမ်းက ဖြောင့်ဖြူးလို့ နှစ်ဦးသား အကြင်လင်မယားဖြစ်ကြပါရော။ အိမ်ထောင်သည်ဘ၀မှာတော့ ဆူဘူ ချစ်ရပါတယ်ဆိုတဲ့ ဆာရာလာရဲ့ ကလေးဆန်တဲ့အမူအရာတွေက စိတ်အခန့်မသင့်စရာတွေဖြစ်လာခဲ့ပါတယ်။ အိမ်ထောင်ရေးဆိုတာ ချစ်နေကြရုံနဲ့ ပြည့်စုံသွားတာမျိုးမဟုတ်ဘဲ တစ်ဦးရဲ့ခံစားချက်ကို တစ်ဦးနားလည်ပေးနိုင်ဖို့၊ တာဝန်ယူမှုတွေနဲ့ အခက်အခဲတွေကို အတူဖြတ်သန်းနိုင်ဖို့ လိုအပ်တာကို နွေးထွေးတဲ့ အချစ်ဇာတ်လမ်း၊ မိသားစုဆက်ဆံရေးနဲ့ ခေတ်ဟောင်းအငွေ့အသက်တွေကြားမှာ ခံစားကြည့်ရှုကြပါဦး။