အသက် ၁၂ နှစ်အရွယ် ကလေးမလေး စတက်ဖနီ ရဲ့ အကြီးမားဆုံး အိပ်မက်ကတော့ ကွယ်လွန်သွားပြီဖြစ်တဲ့ သူမရဲ့ မိခင်လိုပဲ စူပါဟီးရိုး တစ်ယောက် ဖြစ်လာဖို့ပါ။ ဒါပေမဲ့ ဟီးရိုးသင်တန်းကျောင်းရဲ့ အဝင်စာမေးပွဲကို ဖြေဆိုတဲ့အခါမှာတော့ မထင်မှတ်ဘဲ ကျရှုံးသွားခဲ့ပါတယ်။ အိပ်မက်တွေ ပျက်စီးလုနီးပါး ဖြစ်နေချိန်မှာ သူမကို ဒုတိယအကြိမ် အခွင့်အရေးတစ်ခု ပေးလာခဲ့ပါတယ်။ အဲဒါကတော့ ခိုးယူခံလိုက်ရတဲ့ တန်ဖိုးကြီး ရှေးဟောင်းပစ္စည်းတစ်ခုကို ပြန်လည်ရယူဖို့အတွက် ဗီလိန်တွေ တက်ရောက်တဲ့ ဗီလိန်ကျောင်းထဲကို လျှို့ဝှက်သူလျှိုအဖြစ် ရုပ်ဖျက်ဝင်ရောက်စုံစမ်းရမှာပဲ ဖြစ်ပါတယ်။ လူဆိုးကျောင်းထဲ ရောက်သွားတဲ့အခါ စတက်ဖနီဟာ ကျောင်းသားတွေ၊ မဟာမိတ်တွေနဲ့ ဆုံတွေ့ရပြီး သူမရဲ့ သစ္စာရှိမှုနဲ့ ရပ်တည်ချက်တွေ ဝေဝါးစပြုလာပါတယ်။ အဲဒီနောက်မှာမှ ဟီးရိုးရော ဗီလိန်ရောလောကနှစ်ခုလုံးရဲ့ အနာဂတ်ကို ခြိမ်းခြောက်နေတဲ့ ဗီလိန်ဂိုဏ်းချုပ်ဆိုတဲ့ ငရဲသတ္တဝါဆိုးကြီးရဲ့ အန္တရာယ်ကွန်ရက်ကို စတင်တွေ့ရှိလိုက်ရတဲ့အခါ...