၂၀၀၇ခုနှစ်မှာ ဖြစ်ပွါးခဲ့တဲ့ ပါမောက္ခကြီးနဲ့ တရားသူကြီးတို့ရဲ့ အမှုကို ဖြစ်ရပ်မှန် ပြန်လည်ရိုက်ကူးထားတဲ့ 'Unbowed' တက္ကသိုလ်ဝင်ခွင့်စာမေးပွဲမှာ သင်္ချာမေးခွန်းအမှားတစ်ခုကို ထောက်ပြခဲ့ရာကနေ အလုပ်ပြုတ်သွားခဲ့တဲ့ ပါမောက္ခ ဂင်ဂယောင်းဟို (Ahn Sung Ki)… သူ့ဘဝကို မတရားဖျက်ဆီးပစ်ခဲ့တဲ့ တက္ကသိုလ်ကို တရားပြန်စွဲခဲ့ပေမဲ့ တရားရုံးက တက္ကသိုလ်ဘက်ကလိုက်ပြီး စီရင်ချက်ချခဲ့တယ်။ စီရင်ချက်ထွက်ပြီး သုံးရက်အကြာ... ပါမောက္ခကြီးလည်း စီရင်ချက်ချခဲ့တဲ့ တရားသူကြီး ဘတ်ဘုံဂျူ (Kim Eung Soo) ရဲ့ တိုက်ရှေ့ကို ဒူးလေးတစ်လက်ကို ကိုင်ပြီး ရောက်လာခဲ့တယ်။ တရားသူကြီးနဲ့ ပါမောက္ခတို့အကြား ရုန်းရင်းဆန်ခတ်ဖြစ်ပြီး တရားသူကြီးက သူ့ကို ပါမောက္ခက ဒူးလေးနဲ့ ပစ်ခတ်ခဲ့တယ်လို့ စွပ်စွဲပြီးရဲခေါ်ဖမ်းဆီးစေခဲ့တယ်။ မီဒီယာတွေကလည်း ဒါက ဥပဒေကို မထီမဲ့မြင်လုပ်တဲ့ အကြမ်းဖက်မှုအဖြစ် ဝိုင်းပုံဖော်ကြတာပေါ့။ ပါမောက္ခကြီးကတော့ သူ ပစ်ခတ်ခဲ့တာမဟုတ်ဘူးလို့ ဆက်တိုက်ငြင်းတယ်။ အဲဒီလိုကနေ အမှန်တရားကို လိုလားပြီး စည်းစနစ်ကျတဲ့ ပါမောက္ခကြီးလည်း သူ့အမှုအတွက် ရှေ့နေတစ်ယောက်ကို ရွေးလိုက်တယ်။ သူကတော့ အလုပ်သမားအခွင့်အရေးတောင်းဆိုပေးရင်း စီးပွါးပျက်၊ အရက်စွဲနေတဲ့ ရှေ့နေဘတ်ဂျွန်း… ဒီလိုနဲ့ ရှေ့နေ ဘတ်ဂျွန်း (Park Won Sang)နဲ့ ပါမောက္ခကြီးတို့ အမှုနိုင်ဖို့ ဘယ်လိုကြိုးစားရင်ဆိုင်ကြမလဲ… ဆိုတာ ဇာတ်ကားကနေတစ်ဆင့် ကြည့်ရှုခံစားကြရမှာ ဖြစ်ပါတယ်။ ဖြစ်ရပ်မှန်ဇာတ်လမ်း စိတ်ဝင်စားတဲ့သူဆိုရင်တော့ နှစ်ခါမစဉ်းစားဘဲ ကြည့်ကြည့်လိုက်တော့နော်။