ဒီဇာတ်ကားက Booker ဆုရ စာရေးဆရာ Aravind Adiga ရဲ့ ၂၀၁၁ ခုနှစ်ထွက် နာမည်ကြီး ဝတ္ထုကို အခြေခံပြီး ရိုက်ကူးထားတဲ့ အိန္ဒိယ Drama/Thriller ဇာတ်ကားပဲဖြစ်ပါတယ်။ ဒါရိုက်တာ Ben Rekhi က ရိုက်ကူးပြီး မင်းသားကြီး Manoj Bajpayee၊ Boman Irani နှင့် Divya Dutta တို့ ပါဝင်သရုပ်ဆောင်ထားပါတယ်။မွန်ဘိုင်းမြို့က သက်ကြီးပိုင်းတွေ အများစုနေကြတဲ့ "Vishram Society" ဆိုတဲ့ အိမ်ရာဝင်းထဲကို ဒါမန်ရှာဆိုတဲ့ သြဇာကြီး ခြံမြေသူဌေးကြီး ရောက်လာခဲ့တယ်။သူက အဲဒီအဆောက်အအုံဟောင်းကြီးကို ဖြိုဖျက်ပြီး ခေတ်မီတိုက်သစ်ကြီး ဆောက်ဖို့အတွက် တိုက်ခန်းပိုင်ရှင်တွေကို ပုံမှန်ပေါက်ဈေးထက် မတန်အောင် ပိုများတဲ့ လျော်ကြေးငွေတွေ ပေးမယ်လို့ ကမ်းလှမ်းလာတာပါ။ဒါနဲ့ပဲ တိုက်ခန်းမှာနေတဲ့ လူအကုန်လုံးက အဲဒီငွေနဲ့ ဘဝအသစ်ပြန်စဖို့ ဝမ်းသာအားရ သဘောတူခဲ့ကြပေမဲ့... အငြိမ်းစား ရူပဗေဒဆရာကြီး ယိုဂတ်မီရှ်ရာ တစ်ယောက်တည်းကတော့ ဒီကမ်းလှမ်းမှုကို လုံးဝ မလက်ခံခဲ့ပါဘူး။ဆရာကြီးအတွက်တော့ ဒီတိုက်ခန်းဟာ ကွယ်လွန်သွားပြီဖြစ်တဲ့ သူ့ဇနီးနဲ့ သမီးလေးတို့ရဲ့ သံယောဇဉ်တွေ၊ အမှတ်တရတွေ အပြည့်ရှိနေတဲ့ နေရာဖြစ်နေလို့ပါပဲ။ဒါပေမဲ့ ဆရာကြီးတစ်ယောက်တည်းရဲ့ ငြင်းဆန်မှုကြောင့် တစ်အိမ်ရာလုံး ပြန်ဆောက်မယ့် စီမံကိန်းကြီး ပျက်စီးတော့မယ့်အရေးနဲ့ ရင်ဆိုင်လိုက်ရတဲ့အခါမှာတော့...