ဇာတ်နိမ့်ဖြစ်နေပြီး အမှိုက်သိမ်းတဲ့အလုပ် လုပ်နေရပေမယ့် ကိုယ်တိုင်က အငတ်ခံလို့ သားဖြစ်သူကို ရှေ့နေကြီးဖြစ်အောင် ကြိုးစားစေချင်တဲ့ ဗယ်လိုင်။ လင်ယောက်ျားကို ဆုံးရှုံးထားရပြီးဖြစ်လို့ သားဖြစ်သူကို တုန်နေအောင်ချစ်ရတဲ့အတွက် သူ မနှစ်သက်တဲ့ကြားက စစ်တုရင်ကို ဝါသနာကြီးလွန်းတဲ့ သားဖြစ်သူကို စစ်တုရင်ကစားခွင့် ပေးထားရပါတယ်။ ဇာတ်နိမ့်ဇာတ်မြင့် ခွဲခြားလှတဲ့ လူ့အသိုင်းအဝိုင်းမှာမှ စစ်တုရင်မှာ ဂရန်းမာစတာဖြစ်ချင်တဲ့ သားဖြစ်သူ နန်ဒါရဲ့ အိပ်မက်ကို ဖြည့်ဆည်းပေးဖို့ပါ ဗယ်လိုင်တစ်ယောက် ကြိုးစားတဲ့အခါမှာတော့။ စစ်တုရင်ခုံပေါ်မှာ အရုပ်ကလေးတွေနဲ့ အနိုင်အရှုံးကို ဆုံးဖြတ်နိုင်ပေမဲ့ ဘဝဇာတ်ခုံပေါ်မှာတော့ လူတစ်ယောက်ရဲ့အရည်အချင်းထက် လူမှုအဆင့်အတန်းနဲ့ ခွဲခြားဆက်ဆံမှုတွေက အနိုင်အရှုံးကို ဆုံးဖြတ်နေတဲ့အကြောင်းကို မိခင်မေတ္တာ၊ စိတ်ဓာတ်ခွန်အားနဲ့ လူမှုရေးပြဿနာတွေ ရောစပ်တင်ဆက်ထားတဲ့ တမီးလ်ဒရာမာရုပ်ရှင်ကို တင်ဆက်ပေးလိုက်ပါတယ်။