IMDb 7.2 ရရှိထားတဲ့ comedy-drama တစ်ကားနဲ့ မိတ်ဆက်ပေးပါရစေ။ ပါခင်ဆွန်ရောဂါရှိတဲ့ အသက် 69 နှစ်အရွယ် လမ်းပေါ် ဂီတဖျော်ဖြေသူ အဖိုးကြီး Burt က LA မှာ သူ့အခန်းဖော် အိမ်ပိုင်ရှင်နဲ့အတူ နေပါတယ်။ တစ်နေ့မှာ နယူးယောက်ခ်ကလာတဲ့ Sammy ဆိုတဲ့ အမျိုးသားက Burt ကို ချဉ်းကပ်လာပြီး သူ့ရဲ့အမေ ဆုံးသွားကြောင်းနဲ့ သူက Burt ရဲ့ ကွဲသွားတာကြာတဲ့ သားဖြစ်ကြောင်း ပြောလာပါတယ်။ တစ်သက်နဲ့တစ်ကိုယ် ကိုယ့်မှာ သားရှိမှန်းမသိခဲ့တဲ့ အထီးကျန်နေတဲ့ Burt ကလည်း အဲဒီသတင်းကိုကြားပြီး Sammy ကို ဝမ်းပမ်းတသာနဲ့ ကြိုဆိုကာ သူ့အိမ်မှာနေဖို့ ခေါ်ပါတော့တယ်။ ဒါပေမဲ့ Burt ရဲ့ အခန်းဖော်နဲ့ အိမ်ပိုင်ရှင်ဖြစ်သူ Steve ကတော့ Sammy ရဲ့ ပုံပြင်ကို မယုံဘဲ ညာစားနေတယ်လို့ သံသယဝင်ပြီး မျက်စိဒေါက်ထောက် စောင့်ကြည့်နေခဲ့တယ်။ အဲဒီအချိန်တွေနောက်ပိုင်း Burt က Sammy ကို သူ့နေ့စဉ်လုပ်ငန်းတွေ၊ ကိုယ်ရေးကိုယ်တာတွေကို ပြောပြရင်း နှစ်ယောက်သား အတူတူပိုရင်းနှီးလာချိန်မှာ Steve ကလည်း Sammy ရဲ့ နောက်ကြောင်းတွေလိုက်ရင်း လိမ်နေတာသက်သေပြဖို့ ကြိုးစားတဲ့အခါ ဘာတွေဆက်ဖြစ်လာမလဲဆိုတာကတော့...။