ဒီဇာတ်လမ်းက စုံတွဲနှစ်ယောက် Louisiana မှာရှိတဲ့ ရွှံ့တောထဲက အိမ်ကို ခရီးသွားကြရာကနေ စပါတယ်။ အဲဒီထဲက တစ်တွဲက လူဖြူလူမည်း ( interracial ) အတွဲပါ။ သူတို့က သမိုင်းကို ပြန်ထိတွေ့ချင်တာမို့ ဟိုးရှေးခေတ်က သမိုင်းဆန်တဲ့ အိမ်တစ်အိမ်မှာ Airbnb စတိုင်လ် ဘိုကင်ယူခဲ့ကြပါတယ်။တကယ်တော့ သူတို့တည်းဖို့သွားတဲ့နေရာက အတိတ်ကကျွန်ပြုခံရသူတွေရဲ့ မျိုးဆက်တွေက သူတို့ရဲ့အတိတ်နဲ့ သမိုင်းကြောင်းကို ပြန်သတိရဖို့ သွားကြတဲ့နေရာတစ်ခုပါ။သူတို့အဖွဲ့ရောက်လာပြီး မကြာခင်မှာပဲ ခြောက်ခြားစရာကိစ္စတွေ စဖြစ်လာပါတယ်။ ခြံဝန်းကျင်မှာ တွေ့လာရတဲ့ ကျောချမ်းစရာ တစ္ဆေတွေ၊ ရွှံ့ဗွက်တွေဆီက တီးတိုးသံတွေ၊ လှည့်စားခံနေရသလို အချိန်တွေနဲ့ ထိုအိမ်ကြီးက သရဲခြောက်ရုံသာမကဘဲ သမိုင်းကြောင်းဆိုင်ရာ နာကျင်မှုနဲ့ စိတ်ဒဏ်ရာတွေကိုပါ ထုတ်ပေးတဲ့ မကောင်းမှုပြုရာအိမ်ကြီးမှန်း သိသွားချိန်မှာတော့ အဲဒီမိစ္ဆာဆိုးကြီးဆီကနေ သူတို့လွတ်မြောက်နိုင်ပါ့မလားဆိုတာကတော့....။