ဂျိုဒီဟာ အသက် ၂၀ အရွယ်ယ် အာဖရိကန်-အမေရိကန် အမျိုးသားတစ်ဦးဖြစ်ပြီး မတူညီတဲ့ အမျိုးသမီးနှစ်ယောက်ဖြစ်တဲ့ အီဗက်နဲ့ ပီးနပ်တို့နဲ့သားသမီးနှစ်ယောက်ရထားပေမယ့် ရည်မှန်းချက်မရှိ၊ အလုပ်အကိုင်အတည်တကျမရှိ၊လုပ်ချင်စိတ်လည်းမရှိပဲအမေဖြစ်သူဆီက ငွေကြေးမှီခိုပြီး ဘ၀ကို အလိုက်သင့်မျှောလိုက်နေတဲ့သူပါ။ အမေဖြစ်သူကထောင်ထွက်တစ်ဦးဖြစ်တဲ့ မယ်လ်ဗင်ကိုရည်းစားအဖြစ် အိမ်ပေါ်ခေါ်တင်လာချိန်မှာတော့ အေးချမ်းသယောင် သူ့ကမ္ဘာလေးကယိမ်းယိုင်သွားခဲ့ပါတယ်။ မိခင်ဖြစ်သူ အိမ်ပေါ်ကိုယောက်ျားတစ်ယောက် ခေါ်တင်လာရင် သူ့ကိုအိမ်ပေါ်ကနှင်ချမယ်။ သူလမ်းပေါ်ရောက်မယ်ဆိုတဲ့ အသိစိတ်ကသာ စွဲနေပြီး မယ်ဗင့်ကိုသာမက တစ်လောကလုံးကို သူ့ပြဿနာတွေအတွက် ရန်သူလို ဆက်ဆံရင်းက တစ်ဖြည်းဖြည်းလမ်းကြောင်းလွဲစပြုလာပါတော့တယ်။ Baby Boy (2001) ဟာ အခုချိန်မှာနာမည်ကျော်မင်းသားတစ်လက်ဖြစ်နေပြီဖြစ်တဲ့ Tyrese Gibson အတွက်ပွဲဦးထွက်ဖြစ်ပြီး ဒါရိုက်တာ John Singleton အတွက်လည်း သူ့ရဲ့ပွဲဦးထွက်လက်ရာဖြစ်ခဲ့တဲ့ Boyz n the Hood 1991 ဇာတ်ကားရဲ့ spiritual companion piece လို့ဆိုပါတယ်။ ဘတ်ဂျက် ၁၆ သန်းနဲ့ ဝင်ငွေ ၂၉.၄ နီးပါးပြန်ရခဲ့တာကြောင့်ငွေကြေးအရအောင်မြင်ခဲ့ပြီး လမ်းပေါ်ကဘ၀တွေ လက်တွေ့အခြေအနေမှန်တွေကိုအနီးကပ်ဆုံးထင်ဟပ်ပြနိုင်မှုတွေကြောင့် ပရိသတ်တွေရော ဝေဖန်ရေးဆရာတွေပါနှစ်သက်ခဲ့ပါတယ်။ (ကြမ်းတမ်းတဲ့စကားပြောတွေနဲ့ ဝတ်လစ်စလစ်ဇာတ်ဝင်ခန်းတွေကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။)