ဒီဇာတ်ကားလေးဟာ ဒရာမာနဲ့ စိတ်ခွန်အားပေး ဇာတ်ကားများကို နှစ်သက်သူများ၊ တိရစ္ဆာန်ချစ်သူများအတွက် ကြည့်ရှုအပန်းဖြေရင်း မျက်ရည်ဝဲစရာ၊ ကြည်နူးစရာ ခံစားချက်ကို ပေးစွမ်းမဲ့ ဇာတ်ကားကောင်းတစ်ကား ဖြစ်ပါတယ်...... ဘဝမှာ မှားယွင်းခဲ့တဲ့ အတိတ်တွေ၊ စွဲလမ်းမှုတွေကြောင့် အရာရာကို ဆုံးရှုံးပြီး လမ်းဘေးရောက်ခဲ့ရသူကတော့ တိုင်လာဖြစ်ပါတယ်။ အနာဂတ်မဲ့ပြီး အိမ်ခြေမဲ့ဘဝနဲ့ ရုန်းကန်နေရတဲ့ တိုင်လာတစ်ယောက် ရန်သူတွေရဲ့ ဝိုင်းဝန်းတိုက်ခိုက်ခြင်းကို ခံရချိန်မှာ မထင်မှတ်ထားဘဲ ဒိုဘာမင် ခွေးလေးတစ်ကောင်က ဝင်ရောက်ကာကွယ်ပေးခဲ့ပါတယ်။ အဲဒီနေ့ကစပြီး တိုင်လာဟာ ခွေးလေးကို အိန်ဂျယ်လို့အမည်ပေးကာ ခေါ်ထားခဲ့ပြီး ခွေးလေးကလည်း တိုင်လာဘေးကမခွာဘဲ သစ္စာရှိရှိ အတူတူ လိုက်ပါလာခဲ့ပါတယ်။ မိမိကိုယ်တိုင် ငတ်ပြတ်နေပေမယ့် အိန်ဂျယ်လေးအတွက် အစားအစာနဲ့ စောင့်ရှောက်မှု ပေးနိုင်ဖို့ တိုင်လာဟာ အိမ်မွေးတိရစ္ဆာန် ပြုစုရေးစတိုးဆိုင်မန်နေဂျာ စကားလက်ဆီမှာ အလုပ်ဝင်လျှောက်ခဲ့ပါတယ်။ အောက်ခြေမှစပြီး ဘဝကို ပြန်လည်ထူထောင်ဖို့ ကြိုးစားနေချိန်မှာပဲ စကားလက်ရဲ့ ကူညီမှုနဲ့အတူ တိုင်လာရဲ့ ဘဝဟာ တဖြည်းဖြည်း အလင်းရောင် သန်းလာခဲ့ပါတယ်။ ဒါပေမဲ့ ဘဝဆိုတာ အမြဲတမ်း မသာယာခဲ့ပါဘူး။အိန်ဂျယ်လေးမှာ ရောဂါဝေဒနာ ခံစားရချိန်မှာတော့ တိုင်လာတစ်ယောက် မိမိရဲ့အတိတ်က ဒဏ်ရာတွေ၊ လက်ရှိ စိန်ခေါ်မှုတွေကြားမှာ ခွေးလေးကို ကယ်တင်နိုင်ဖို့ အရာရာကို စုံမှိတ်ပြီး ရုန်းကန်ရပါတော့တယ်.....