တရားခွင်ထဲမှာ အမှန်တရားနဲ့ တရားမျှတမှုကို ကာကွယ်ပေးရမယ့် ရှေ့နေတစ်ယောက်ကိုယ်တိုင်က သူ့ဘဝရဲ့ အမှားတွေကြားမှာ နစ်မြုပ်နေခဲ့ရင် ဘယ်လိုဖြစ်မလဲ။The Good Lawyer ကတော့ အဲဒီမေးခွန်းကို အခြေခံပြီး တရားဥပဒေ၊ ကိုယ်ကျင့်တရား၊ စွဲလမ်းမှုနဲ့ လူတစ်ယောက်ရဲ့ ဒုတိယအခွင့်အရေးအကြောင်းကို တင်ဆက်ထားတဲ့ French Legal Thriller တစ်ကားဖြစ်ပါတယ်။ဇာတ်လမ်းရဲ့ အဓိကဇာတ်ကောင် လီယိုနာ့ဒ် လန်ဒရီဟာ ထက်မြက်ပြီး အမှုအခင်းတွေကို ကိုင်တွယ်ရာမှာ ကျွမ်းကျင်တဲ့ ရှေ့နေတစ်ယောက်ဖြစ်ပေမဲ့ ကိုယ်ပိုင်ဘဝမှာတော့ အရက်နဲ့ မူးယစ်ဆေးဝါးစွဲလမ်းမှုတွေကြောင့် ပျက်စီးနေသူတစ်ယောက်ပါ။ တစ်နေ့မှာ တရားခွင်အတွင်း မူးယစ်ဆေးဝါးကြောင့် လဲကျသွားခဲ့တဲ့နောက် သူ့ရဲ့ရှေ့နေအလုပ်အကိုင်နဲ့ လိုင်စင်ကိုပါ ဆုံးရှုံးရနိုင်တဲ့ အခြေအနေတစ်ခုနဲ့ ရင်ဆိုင်လာရပါတယ်။