DC ရဲ့ Shazam! မင်းသား Zachary Levi က သေနတ်သမား ကွာ့တ်အဖြစ် ပါဝင်ထားပြီး၊ ဝါရင့်မင်းသားကြီး Tommy Lee Jones နဲ့ Neal McDonough တို့လို သရုပ်ဆောင်ကောင်းတွေ အပြိုင်ကြဲထားတဲ့ ဒီဇာတ်ကားဟာ၁၉၄၇ ခုနှစ်က ထွက်ရှိခဲ့တဲ့ နာမည်တူ Classic Western ဇာတ်ကားကို ပြန်လည်ရိုက်ကူးထားတဲ့ Remake ဇာတ်ကားတစ်ကားဖြစ်ပါတယ်။ ဘဝတစ်လျှောက်လုံး သေနတ်တွေ အကြမ်းဖက်မှုတွေနဲ့ ဖြတ်သန်းခဲ့ရတဲ့ ကွာ့တ်အဗန်စ်ဆိုတဲ့ သေလုမျောပါးဝရမ်းပြေးတစ်ယောက်ဟာ မေတ္တာတရားနဲ့ ငြိမ်းချမ်းမှုတွေ လွှမ်းခြုံနေတဲ့ ဝါ့သ်မိသားစုရဲ့ အိမ်ကို ရောက်ရှိလာခဲ့ပါတယ်။ ဒဏ်ရာတွေနဲ့ ကွာ့တ်ကို ဝါ့သ်မိသားစုက အထူးဂရုစိုက်ပေးခဲ့တယ်၊ အထူးသဖြင့် ပန်နီဆိုတဲ့ ကောင်မလေးပေါ့၊ ဒီလိုနဲ့ လူကြမ်းကြီး ကွာ့တ်တစ်ယောက် ငြိမ်းချမ်းတဲ့ဘဝရဲ့ အနှစ်သာရကို ခံစားမိသွားပြီး သူ့ရဲ့အတိတ်က လုပ်ရပ်တွေနဲ့ လက်ရှိဘဝကြားမှာ ရွေးချယ်စရာတစ်ခု ပေါ်ပေါက်လာခဲ့ပါတယ်။ တရားဥပဒေနဲ့ အတိတ်ဆိုးတွေက သူ့အိမ်သစ်ဆီကို နီးကပ်လာတဲ့အခါ ကွာ့တ်တစ်ယောက် ဘယ်တွေဆက်ဖြစ်လာမလဲဆိုတာ ရင်ခုန်စိတ်လှုပ်ရှားစွာနဲ့ ကြည့်ရှုရမယ့် Western, Action, Romance ဇာတ်ကားကောင်း တစ်ကားပဲ ဖြစ်ပါတယ်။