တောင်ပိုင်းနာမည်ကျော်တွေဖြစ်တဲ့အပြင် အပြင်မှာလည်း တကယ့်အတွဲတွေဖြစ်ကြတဲ့ ဗီဂျေးငယ်နဲ့ ရက်ရှ်မီးကားတို့ရဲ့ ကိုလိုနီခေတ်နောက်ခံ အလန်းစား အက်ရှင်ရုပ်ရှင်ကို တင်ဆက်ပေးလိုက်ပါတယ်။ ဒီရုပ်ရှင်မှာ သူတို့နှစ်ယောက်အပြင် The Mummy ထဲက အင်မိုတက်မင်းသားကြီး အာနိုးဗော်စလူးကလည်း ဗြိတိသျှစစ်ဗိုလ်ကြီးနေရာကနေ အားဖြည့်ပါဝင် ထားပါသေးတယ်။ ဇာတ်လမ်းကတော့ ၁၉ ရာစုနှောင်းပိုင်း ဗြိတိသျှကိုလိုနီခေတ်၊ အိန္ဒိယနိုင်ငံ ရာယာလာဆီမာဒေသမှာ ဖြစ်ပွားခဲ့တဲ့ အငတ်ဘေးကြီးကို နောက်ခံထားရိုက်ကူးထားတာပါ။ဒေသခံပြည်သူတွေ အစာရေစာငတ်မွတ်ခေါင်းပါးနေချိန်မှာ ဗြိတိသျှအရာရှိ ဆာသီအိုဒိုးဟက်တာဆိုသူက ဒေသထွက်စပါးနဲ့ ရိက္ခာတွေကို ဗြိတိန်ဘုရင်မကြီးဆီအတင်းအဓမ္မ သိမ်းယူပို့ဆောင်ဖို့ စီစဉ်နေပါတယ်။ အဲဒီလိုအချိန်မှာ ရိုးရာနတ်ဘုရား ဘာဒရာမာလန်နာရဲ့ ဟောကိန်းနဲ့ မွေးဖွားလာခဲ့တဲ့ ရာနာဘာလီက နိုင်ငံရေးခံယူချက် ကြောင့်မဟုတ်ဘဲ သူ့ရဲ့ရွာသူရွာသားများ အသက်ရှင်သန်ဖို့၊ ဇနီးသည်နဲ့ မိသားစုကို ကာကွယ်စောင့်ရှောက်ဖို့အတွက် ဗြိတိသျှအာဏာပိုင်တွေနဲ့ ပြည်တွင်းသစ္စာဖောက်လောက်ကောင်တွေကို ဓားရှည်ကိုင်စွဲကာ ပြန်လည်တွန်းလှန်တိုက်ခိုက်ပုံကို ပုံဖော်ထားတဲ့ အမိုက်စားရုပ်ရှင်ကောင်းဖြစ်ပါတယ်...။