ဟင်ဒီဟာသရုပ်ရှင် အတော်များများမှာ ခပ်နောက်နောက် သရုပ်ဆောင်ပုံတွေနဲ့ ပရိသတ်မစိမ်းလှတဲ့ မင်းသား ကူနယ်ခီမူးရဲ့ အသစ်ထွက် အက်ရှင်ဟာသရုပ်ရှင်လေးကို တင်ဆက်ပေးလိုက်ပါတယ်။ လက်ကြောမတင်းတဲ့ ဘော်ဒါ ဟာဒစ်ကို ဇွတ်ဆေးဖြတ်ခိုင်းပြီး အလုပ်ထဲသွင်းဖို့ ကြိုးစားတဲ့ ဘာဂီရတ်။ မွေးသန္ဓေ သေမှပျောက်ဆိုသလို ဟာဒစ်ရဲ့ ဖွန်ကြောင်ဆေးဆွဲတဲ့အကျင့်ကတော့ ပျောက်မသွားခဲ့ပါဘူး။ ဘာဂီရတ် အတန်တန်တားနေတဲ့ကြားက ရုံးက အလုပ်သင်မလေးကို ဟာဒစ်တစ်ယောက် ဖွန်သွားကြောင်ရာကနေ နှစ်ကောင်သား နိုင်ငံတော်အကြမ်းဖက်မှုကြီးတစ်ခုမှာ ပါမိရက်သား ငြားပါရောလား။ သူတို့အပြစ်ကင်းကြောင်း သက်သေပြဖို့အရေး ထောက်လှမ်းရေးအဖွဲ့နဲ့ပေါင်းပြီး အမှုဖော်ဖို့ ကြိုးစားကြပုံကို အလွဲလွဲအချော်ချောဖြစ်ရပ်တွေနဲ့ တသောသောရယ်မောရင်း ကြည့်ရှုကြရမှာပါ။