OMG 2 (2023)၊ Mirzapur(2018)ရုပ်ရှင်တွေနဲ့ ပရိသတ်တွေ သဘောကျကြတဲ့ မင်းသားကြီး ပန်ကာ့ဂ်ျတရီပသီရဲ့ အသစ်ထွက် အချစ်ဟာသရုပ်ရှင်လေးကို တင်ဆက်ပေးလိုက်ပါတယ်။ လတ်ခနောင်းမြို့ကြီးက ရပ်ကွက်တစ်ခုမှာ အိမ်ကြီးအိမ်ကောင်းတစ်ခုကို ပိုင်ဆိုင်ထားတဲ့ လူပျိုကြီး ဒူဘေး။ မိသားစုတွေ စုံစုံလင်လင်ရှိနေတုန်းကတော့ အိမ်က ဘယ်လောက်ကြီးကြီး ပျော်ရွှင်ပြည့်စုံနေပေမယ့် မိဘတွေ ကွယ်လွန်ပြီး နှမဖြစ်သူတွေ အိမ်ထောင်ကျသွားချိန်မှာတော့ ဒူဘေးအတွက် အိမ်ကြီးက ထိန်းသိမ်းရခက်ခဲတဲ့အပြင် အရာရာ အဆင်မပြေဖြစ်လာတာပေါ့။ သူငယ်ချင်းဖြစ်သူကောင်းမှုနဲ့ ဟယ်လင်ဆိုတဲ့ အိမ်အကူမလေး ရောက်လာချိန်မှာတော့ လူပျိုသိုးကြီး ဒူဘေးအတွက် အရာရာပြောင်းလဲသွားပါတော့တယ်။